Жетісу облысының мектептерінде тамақтануға 20 млн теңге негізсіз төленген
Прокуратура залалды өтеу туралы қадағалау актілерін енгізді
![](https://halyq-uni.kz/cache/imagine/1200/uploads/news/2024/03/11/65eee471bae57006402030.jpg)
Прокурорлар жергілікті мектептерде тамақтану үшін жеткізушілерге жалпы көлемі 20 миллион теңгеден асатын қаржыны негізсіз төлеу фактілерін анықтаған, деп хабарлады Halyq Uni тілшісі.
Көксу ауданында 2023 жылдың 13-15 желтоқсаны аралығында ауа райының қолайсыздығына байланысты 1-4 сынып оқушылары үшін сабақ тоқтатылған болатын. Алайда білім беру мекемесі жеткізушіге көрсетілген күндерде ұсынылмаған тамақтану қызметі үшін 4 миллион теңгеден астам қаражат төлеген, – делінген прокуратура хабарламасында.
Ұқсас бұзушылықтар облыстағы барлық мектептерде анықталған.
Осы анықталған бұзушылықтар бойынша залалды өтеу туралы қадағалау актілері енгізілді.