Жамбыл облысында аудан әкімдігі 479 млн теңгені негізсіз жұмсамақ болған
Прокурорлық қадағалау актісінің негізінде конкурс бұзылды
Фото: Halyq Uni
Жамбыл облысының прокурорлары 479 млн теңгеге заңсыз мемлекеттік сатып алудың жолын кесті, деп хабарлады Halyq Uni тілшісі.
Қордай ауданының прокуратурасы жергілікті атқарушы органмен «Мемлекеттік сатып алу туралы» Заң талаптарының сақталуына жүргізілген талдау барысында құны 479 млн теңгеге облыстық маңызы бар автожолдың орташа жөндеу жұмысы бойынша мемлекеттік сатып алудың ұйымдастырушысын дұрыс анықтамау фактісін анықтады.
Прокурорлық қадағалау актісінің негізінде аталған конкурс бұзылды. Нәтижесінде бюджет қаражатының негізсіз жұмсалуының алды алынды.
