Сенаттың Халықаралық қатынастар, қорғаныс және қауіпсіздік комитетінің депутаттары кеңейтілген отырыста ақпараттық қауіпсіздік пен цифрлық активтерге қатысты заңды талқылады. Бұл туралы ведомствоның баспасөз қызметі хабарлады.

Заң дербес деректерді қорғауды күшейтуге және цифрлық ақша табу қызметін реттеудегі құқықтық олқылықты жоюға бағытталған. Адамдарды алаяқтардың әрекетінен қорғау мақсатында оларға банктік қарыз бен микронесие алудан ерікті түрде бас тарту құқығы беріледі.

Сондай-ақ ақпараттық қауіпсіздікті қамтамасыз ету жөніндегі жаңа тетіктерді енгізу, майнинг жөніндегі қызметті іске асыруға лицензияны қолданудан айыру, тоқтата тұру, қайта бастау рәсімін енгізу көзделеді.

Депутаттар отырыс қорытындысы бойынша заңды Палатаның қарауына жіберу туралы шешім қабылдады.