Басты бет Халықтың ақшасы Балаларға жазғы лагерьге тегін жолдаманы қалай алуға болады

Балаларға жазғы лагерьге тегін жолдаманы қалай алуға болады

Қымбат Елтайқызы

Бұл сұраққа білім және ғылым министрлігі жауап берді

фото: Halyq Uni

Қазақстандықтар «көпбалалы отбасымыз, жолдаманы қайдан, қалай алуымызға болады?» деп сұрапты. БҒМ балалар құқықтарын қорғау комитеті төрағасының орынбасары Элина Паули жолдама алу үшін білім беру ұйымы бірінші басшысының атына өтініш жазу керек дейді.

Жазғы сауықтыру лагеріне тегін жолдама:

  • мемлекеттік атаулы әлеуметтік көмек алуға құқығы бар отбасылардан шыққан балаларға;
  • жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балаларға;
  • жетім балаларға, ата-анасының қамқорлығынсыз қалған балаларға;
  • төтенше жағдайлар салдарынан шұғыл жәрдемді талап ететін отбасылардан шыққан балаларға;
  • мектептің қамқоршылық кеңесі анықтайтын өзге де санаттағы білім алушылар, тәрбиеленушілерге беріледі.

«Балалардың жазғы демалысын ұйымдастыру әрі жолдама беру жергілікті атқарушы органдар құзыретінде және олардың қаражатына байланысты үлестіріледі. Жазда 11 мыңнан астам мектеп жанындағы әрі қала сыртындағы сауықтыру лагері жұмыс істейді. Биыл өткен жылмен салыстырғанда жарты миллион немесе 500 000-ға артық бала лагерьде демалады. Ал жазғы сауықтыру демалысымен қамтылатын балалардың жалпы саны 2 млн 300 мыңнан асады», - деді Паули.