Алматы қаласының прокуратурасы оңтүстік өңірде сұйытылған мұнай газын сату бойынша үстем жағдайға ие «Petrosun» ЖШС қызметіне тексеру жүргізіп (нарықтағы үлесі - 76,9%), жағдайды теріс пайдалану және автогаз бағасын қолдан қымбаттату фактілері анықталды.

Тексеру нәтижесінде анықталғандай, отын бағасының бір тоннасы 323,8%-ға дейін көтерілген. Аталған факті бойынша прокуратура ҚР Қылмыстық кодексінің 221-бабының 2-бөлігі (монополистік қызметті теріс пайдалану) бойынша қылмыстық іс қозғады.

Сотқа дейінгі тергеп-тексеру аясында мемлекет бюджетіне 2,2 млрд теңге өндірілді. Тергеу әлі жалғасып жатыр, ҚР Қылмыстық-процестік кодексi 201-бабына сәйкес өзге мәліметтер әзір жарияланбайды.