2022 жылғы І тоқсанда бір қызметкердің орташа айлық атаулы жалақысы 285 433 теңгені құрады. Атаулы еңбекақы индексі 2021 жылғы тиісті тоқсанмен салыстырғанда 123,7%-ды, ал нақты жалақы индексі 112,7%-ды құрады.

2021 жылдың тиісті тоқсанымен салыстырғанда ең көп өсім келесі салаларда тіркелген:

• құрылыс – 33,7%
• мемлекеттік басқару – 33,1%
• көлік және қоймалау – 30,4%
• ақпарат пен байланыс – 26,6%
• білім беру – 21,7%
• денсаулық сақтау әрі халыққа әлеуметтік қызмет көрсету – 18,1%.

Салалық құрылымда ең жоғары атаулы еңбекақы тау-кен өндіру өнеркәсібі және карьерлер қазу саласында – 619,4 мың теңге, ең төмен жалақы мөлшері ауыл, орман мен балық шаруашылығы қызметкерлерінде – 144,1 мың теңге.

Өңірлер арасында ең жоғарғы орташа айлық еңбекақы Атырау облысында белгіленді – 477,9 мың теңге, ең төменгі Солтүстік Қазақстан облысында – 203,4 мың теңге.