Қарттар үйі тұрғындарының зейнетақысы мен жәрдемақысын ұрлағандар қамауға алынды
Оқиға Қарағанды облысында болған
![](https://halyq-uni.kz/cache/imagine/1200/uploads/news/2022/04/25/626689bee4cc6276109301.jpeg)
Қаржылық мониторинг агенттігінің Қарағанды облысы бойынша департаменті Қарттар үйі тұрғындарының зейнетақысы мен жәрдемақысын ұрлау фактісі бойынша қылмыстық істі тергеп жатыр.
Әлеуметтік нысанда 90 адам қамқорлыққа алынған. Оның 30-ы - мүгедек, 60-ы - зейнеткер. Осы қылмысты жасады деген күдікпен қылмыстық кодекстің 190-бабы 3-бөлігі 3-тармағы бойынша Қарағанды облысындағы Қарттар үйінің меңгерушісі және әлеуметтік қызметкері құрықталып, уақытша ұстау изоляторына қамалды. Қарағанды облыстық соты Қарттар үйінің басшысына қатысты 2 ай мерзімге қамауға алу түріндегі бұлтартпау шарасын санкциялады, – деді қаржылық мониторинг агенттігі.
Қазір тергеу амалдары жалғасып жатыр.
Бұған дейін мүгедектер мен зейнеткерлердің ақшасын жымқырған Қарттар үйі қызметкерлерінің құрықталғанын хабарлаған едік.