Әскери прокурорлар мүлікті мемлекет пайдасына қайтару жөнінде шаралар қабылдап жатыр.

2014 жылы Алматы қаласының Медеу ауданындағы нарықтағы құны 6 млрд теңгеден асатын, жалпы ауданы 3,8484 га жер учаскесі «Достық строй» құрылыс компаниясы» ЖШС-нің меншігіне өткен.

Алайда, бұл учаске 7 жылдан астам уақыт бойы мақсатына сай пайдаланылмағанын ескере отырып, әскери прокуратура органдары оны мәжбүрлеп алып қою туралы талап арызбен жүгінген.

2022 жылдың қарашасында Алматы қаласының мамандандырылған ауданаралық экономикалық сотының шешімімен әскери прокуратураның талап-арызы қанағаттандырылып, заңды күшіне енген. Қазір сот актісін орындау бойынша жұмыстар жүргізіліп жатыр.