Келер жылдан бастап зейнетақы жинағын пайдалану бойынша жеткілікті шек өзгереді

2022 жылдан бастап зейнетақы жинағын пайдалану бойынша жеткілікті шек өзгереді (зейнетақы жинағының бұл межеден асатын бөлігін тұрғын үй жағдайын жақсартуға немесе емделуге жұмсауға болады).

Мысалы, егер 2021 жылы 35 жастағы азаматтар үшін шекті көрсеткіш 2 940 000 теңге болса, келесі жылдан бастап ол 5 060 000 теңгеге дейін өседі, деп хабарлады БЖЗҚ сайты.

Жеткілікті шек жинақтың ең төменгі жеткілікті шегін анықтау әдістемесіне сәйкес есептелетіні аталып өткен.

Төменде БЖЗҚ сайтында жарияланған кестені назарларыңызға ұсынамыз:

• 20 жас – 3 140 000 теңге,
• 21 жас – 3 250 000 теңге,
• 22 жас – 3 370 000 теңге,
• 23 жас – 3 490 000 теңге,
• 24 жас – 3 610 000 теңге,
• 25 жас – 3 730 000 теңге,
• 26 жас – 3 860 000 теңге,
• 27 жас – 3 980 000 теңге,
• 28 жас – 4 110 000 теңге,
• 29 жас – 4 240 000 теңге,
• 30 жас – 4 370 000 теңге,
• 31 жас – 4 510 000 теңге,
• 32 жас – 4 640 000 теңге,
• 33 жас – 4 780 000 теңге,
• 34 жас – 4 920 000 теңге,
• 35 жас – 5 060 000 теңге,
• 36 жас – 5 200 000 теңге,
• 37 жас – 5 350 000 теңге,
• 38 жас – 5 490 000 теңге,
• 39 жас – 5 640 000 теңге,
• 40 жас – 5 790 000 теңге,
• 41 жас – 5 950 000 теңге,
• 42 жас – 6 100 000 теңге,
• 43 жас – 6 260 000 теңге,
• 44 жас – 6 420 000 теңге,
• 45 жас – 6 580 000 теңге,
• 46 жас – 6 750 000 теңге,
• 47 жас – 6 920 000 теңге,
• 48 жас – 7 090 000 теңге,
• 49 жас – 7 260 000 теңге,
• 50 жас – 7 430 000 теңге,
• 51 жас – 7 610 000 теңге,
• 52 жас – 7 790 000 теңге,
• 53 жас – 7 970 000 теңге,
• 54 жас – 8 150 000 теңге,
• 55 жас – 8 340 000 теңге,
• 56 жас – 8 530 000 теңге,
• 57 жас – 8 720 000 теңге,
• 58 жас – 8 920 000 теңге,
• 59–62 жас – 9 120 000 теңге.

2022 жылы біржолғы зейнетақы төлемін алудың жеткіліктілік шегі 1,8 есе көтеріледі. Төмен жинақтық шекті айқындау әдістемесі ҚР Үкіметінің 2013 жылдың 2 қазанындағы №1042 қаулысымен (2021 жылдың 6 қаңтарындағы өзгерістерімен және толықтырулармен) бекітілген.

Әдістеме бойынша төмен жинақтық шек мөлшері жинақ иесінің жасына қарай есептеледі және болашақ зейнетақы төлемдері мен зейнетақы жарналарының өсуін (индекстелуін) ескереді.

Бұл ретте ҚР «Республикалық бюджет туралы» заңына сәйкес, жыл сайын индекстелетін ең төменгі жалақы (ЕТЖ), ең төменгі зейнетақы (ЕТЗ), ең төменгі күнкөріс деңгейі (ЕТКД) сияқты әлеуметтік көрсеткіштер қолданылады. Осыған байланысты төмен жинақтық шек мөлшерін есептеу жыл сайын аталған көрсеткіштердің өсуін ескере отырып жүргізіледі.

2022 жылға әлеуметтік көрсеткіштер мөлшері ұлғайтылғандықтан, атап айтқанда, ең төменгі жалақы мөлшері 2021 жылғы 42 500 теңгеден 2022 жылы 60 000 теңгеге дейін (немесе 41%) өсті. Бірыңғай жинақтық зейнетақы қоры осыны ескеріп, 2022 жылға төмен жинақтық шек мөлшерін де көбейткен.