Премьер-министрдің орынбасары – қаржы министрі Ерұлан Жамаубаев Мәжілістегі партияларға жыл сайын 8 млрд теңге бөлінетінін айтты, деп хабарлады Halyq Uni тілшісі.

«Бізде тек Amanat партиясы емес, Мәжілістегі басқа да партияларға қатысты мәлімет бар. Қабылданған заңда тиісті есептеулер көрсетілген. Осы есепке сүйенсек, бұл партияларға қаржы бөлінеді. Қателеспесем, сомасы шамамен 8 млрд теңге. Бұл қаржы жыл сайын (Мәжілістегі – автор) үш партияға бөлінеді. Мұның барлығы республикалық бюджетте көрсетілген», – деді министр Сенаттың жалпы отырысынан соң.

Айта кетейік, Мәжілісте үш партия атынан сайланған депутаттар бар:

• Amanat партиясы
• Қазақстан халық партиясы
• «Ақ жол» демократиялық партиясы.