Үкімет басшысы Әлихан Смайылов Қаржы министрлігінің арнайы есепшотына жемқорлық бойынша өтелген 50 млрд теңге түскенін мәлімдеді.

Премьер-министрдің айтуынша, алдағы уақытта жемқорлық бойынша өтелген сома көлемі 100 млрд теңгеге дейін жетуі мүмкін. Мемлекет басшысының тапсырмасы бойынша «жемқорлардан» қайтарылған қаражат есебінен мектептер салынады.

Еске салайық, Сыбайлас жемқорлыққа қарсы қызмет Президенттің жемқорлық құқық бұзушылықтар бойынша өтелген ақшалай қаражатқа мектеп салу туралы тапсырмасын орындау бойынша жұмысты жалғастырып жатыр.

Жуырда Ақтөбе облысында жемқорлық қылмысына барғаны үшін кінәлі деп танылған лауазымды тұлғалар 197 миллион теңге сомасында мемлекетке келтірілген залалды өтеді. Жемқорлардан өтелген қаражат мектеп салуға жұмсалады.