Қазақстан Қаржы министрінің бұйрығымен фильтрлі, фильтрсіз темекілер мен папиростардың ең төмен бөлшек сауда бағасы белгіленді. Фильтрлі, фильтрсіз 20 темекі және папиростардың ең төмен бағасы:

• 2022 жылғы 1 наурыздан бастап 30 маусымды қоса алғанда – 550 теңге;
• 2022 жылғы 1 шілдеден бастап 31 желтоқсанды қоса алғанда – 570 теңге;
• 2023 жылғы 1 қаңтардан бастап 600 теңге болады.

Бұйрық 2022 жылғы 1 наурыздан бастап қолданысқа енгізіледі.

Айта кетсек, 2020 жылы Қазақстанда «Халық денсаулығы мен денсаулық сақтау жүйесі» кодексіне өзгеріс енгізіліп, темекі өнімдерін сатуға болатын жас 18-ден 21-ге көтерілді.