Қарағанды облысында қаржы (инвестиция) пирамидасының жолы кесілді, деп хабарлайды Halyq Uni тілшісі.

Мемлекет басшысының қаржы пирамидаларды жою туралы тапсырмасын орындау аясында Қарағанды облысы бойынша ҚМА аумақтық департаментінің қызметкерлері Қарағанды және Теміртау қалаларында қаржы (инвестиция) пирамидасының құрылу және қызмет ету фактісінің жолын кесті, – дейді Қаржылық мониторинг агенттігі.

Қылмыстық схема бойынша, азаматтардан 200 000 теңгеден 25 000 000 теңгеге дейін инвестиция тарту керек болды. 1 айдан 1 жылға дейінгі мерзімде салым сомасының 10% мөлшерінде төлемдер уәде етілді.

«Тергеу барысында пирамида ұйымдастырушыларының Instagram арқылы басқа салымшылар кірістерін жалған жарнамалау жолымен ақша тартумен айналысқаны анықталды», – дейді ҚМА.

Аталған факт бойынша қылмыстық кодекстің 217-бабының 2-бөлігі бойынша сотқа дейінгі тергеу басталды. Қаржы пирамидасын ұйымдастырушыға қатысты 2 айға дейінгі мерзімге күзетпен ұстау бұлтартпау шарасы санкцияланды. Жедел-тергеу шаралары жүріп жатыр.