Қазақстанда әкімдіктер орман шаруашылығына тиісті қаржы бөлмей отыр. Экобелсенді Сәкен Ділдахмет орман шаруашылығын Экология министрлігіне қайтаруды сұрады.

Қостанай облысындағы орман өрті Қазақстанның орман саласын қаржыландырудың жеткіліксіздігін көрсетеді. Өкінішке орай, елдегі 120 орман мекемесі ескірген. 2000жылдары орман шаруашылығы әкімдіктерге берілді. Бұл мемлекеттік органның ең үлкен қателігі болды, – деп жазды белсенді.

Оның сөзінше әкімдіктер ормандарды қаржыландырудың орнына тонаған.

«Әкімдіктер орман шаруашылықтарын жай ғана тонап кетті, ал күтіп ұстауға іс жүзінде ақша бөлмейді. Құрметті президент, сізден барлық орман шаруашылықтарын Экология министрлігіне қайтаруыңызды сұраймын. Орман мекемелері жеткілікті деңгейде қаржыландырылуы тиіс», – деп қосты Сәкен Ділдахмет.