Головкин «Канеломен» жекпе-жектен кейін не болатынын айтты
Айқас 17 қыркүйекте АҚШ-тың Лас-Вегас қаласында болады
фото: zakon.kz
Геннадий Головкин мексикалық Сауль «Канело» Альвареспен үшінші жекпе-жектен кейінгі жоспарын айтты.
Бұл туралы reviewjournal.com порталы хабарлады.
Қазір жекпе-жекке жақсы дайындалып жүрмін. Айқасқа дайынмын. Егер жеңсем, бұл менің карьерамдағы ең үлкен жеңіс болады. Жеңіске қатты қуанамын, – деді Головкин.
Боксшылардың жекпе-жегі 17 қыркүйекте АҚШ-тың Лас-Вегас қаласында болады. Кездесуде екінші орта салмақтағы WBA Super, WBC, WBO және IBF тұжырымы бойынша әлем чемпионы атағы сарапқа салынады. Бұл трилогияны жер-жүзіндегі бокс сүйер қауымның бәрі тағатсыздана күтіп отыр.
