Соғысты зерттеу институтының сарапшылары Ресей әскерінің шабуылдары алдағы апталарда тоқтайтынын айтты. Бұл туралы «Украинская правда» хабарлады.

Институт сарапшы-талдаушылары Ресей басқыншыларының украин жеріндегі шабуылдарының жақын арадағы апталарда тоқтап қалатынына, бұл украин қорғаушыларына қарсы шабуылға шығуға мүмкіндік беретініне болжам жасап отыр.

Сонымен бірге олар қазір екі елдің шекарасында оқу-жаттығу жиынын өткізіп жатқан Беларусь әскерилері Украинаға шабуыл жасай қоймайтынын, алайда, әртүрлі арандатушылықтарға барулары мүмкін екенін айтады.

Институт соңғы бірнеше аптада Ресей әскерлерінің Северодонецк-Лисичанск ауданында айтарлықтай табыстарға жеткендерін, бірақ ілгері жылжи алмай жатқанын атап өтті.

Аналитиктердің айтуынша, Ресейдің Северодонецк-Лисичанск аудандарын басып ала алғанына немесе ала алмағанына қарамастан, оккупанттардың шабуылдау операциялары жақын апталарда тоқтайды. Осының нәтижесінде Украина Қарулы күштері жойқын қарсы шабуылға шығып, басқыншылар басып алған аудандардың бәрін қайтарады.