×

Қазақстанда педофилдер мен террористерді елге кіргізуге тыйым салатын заң қабылданбақ

Заң жобасын бір топ депутат әзірледі

 Жандос Байділда 17.11.2021 | 11:25
фото: Halyq Uni

Қазақстанда сотталған педофилдер мен террористерді елге кіргізуге тыйым салатын заң қабылдау жоспарланып отыр.

Мәжіліс депутаттары кейбір заңнамалық актілерге халықтың көші-қоны саласындағы заңнаманы жетілдіру мәселелері бойынша өзгерістер мен толықтырулар енгізу туралы заң жобасын қарауға кірісті. Бұл құжатта балаларға зорлық-зомбылық көрсеткендер мен терроризмге қатыстылардың елге келуіне тыйым салу ескерілгеню

Мәжілістің заңнама және сот-құқықтық реформа комитетінің хатшысы, депутат Снежанна Имашеваның айтуынша, заң жобасын бір топ депутат әзірлеген. Құжаттың мақсаты – халықтың көші-қоны туралы заңды және қолданыстағы өзге де заңдарды жетілдіру.

Заң жобасы көші-қон саласындағы заңнаманың сақталуына мемлекеттік бақылауды жүзеге асыру тәртібін айқындау, кәмелетке толмағандардың жыныстық тиіспеушілігіне қарсы қылмыстар үшін сотталғандардың біздің елге келуін, Қазақстан азаматтығын алуын шектеу, экстремистік немесе террористік әрекетке қатысы бар шетелдіктерге елімізге келуіне тыйым салу, төтенше жағдайларда қолданылу мерзімі өткен құжаттарды пайдалану мәселелерін реттеу және тағы басқа түзетулерді көздейді, - деді депутат Мәжілістің жалпы отырысында.

Серіктес жаңалықтары

Сараптама