Энергетика министрі Алмасадам Сәтқалиев бүгінгі Үкімет отырысында министрліктің неліктен 1 миллион теңгеге орындық сатып алғанын түсіндірді.

Бұл жерде ненің соншалықты сенсация екенін білмеймін. Министрлік қызметкерлеріне 15 креслоны 1 миллионға сатып алдық. Орындығы бұзылғандарына алдық. Олар жай ғана ауыстырылды. Бір орындық 75 мың теңге болып шықты, - деді министр.

Оның айтуынша, министрліктің орындықтары кейінгі 9 жылда ауыстырылмаған және бұл сатып алу алдын ала жоспарланған.

«Бұл – жай ғана кәжеттілік. Бұрынғысы істен шығып, алу кажет болды», - деді Алмасадам Сәтқалиев.