Қазақстанның Египеттегі төтенше және өкілетті елшісі Қайрат Лама Шариф елдегі саяси және экономикалық реформалар жөнінде пікір білдіріп, алдағы референдум әділетті өтетініне сенім білдірді.

«Байырғы қазақ жерiнде мемлекеттiлiк құра отырып», деп басталатын Ата Заңымызға сүбелі өзгерістер енгізіледі. Қолданыстағы Конституцияның 2-бабында кең байтақ еліміз - біртұтас мемлекет деп жазылған. Сондықтан бүкілхалықтық референдум арқылы Конституцияға «әкімшілік-аймақтық өңірлер» деген жаңа бап қосып, отаршыл Патшалық Ресей мен Кеңес Одағы мәжбүрлеп енгізген елді мекендердің даулы атауларынан біржолата құтылуға болады», - деп жазды Қайрат Лама Шариф.

Мысырдағы елші алдымен «облыс» сөзі қазақ тіліне орыс тілінен енген кірме сөз екенін мойындап, мемлекет тілінің тазалығын сақтау үшін әкімшілік-аймақтық құрылымды «өңір» деп жазуды ұсынды.

Біртұтас, яғни оңтүстігі мен солтүстігі, шығысы мен батысы бар төрт құбыласы тең унитарлы мемлекетіміздің әкімшілік-аймақтық құрылымына қатысты Ата заңымыздың жаңа бабына келесі ұсыныстар енгіземін:

• Абай өңірі. Әкімшілік орталығы – Семей қаласы.
• Ақмола өңірі. Әкімшілік орталығы – Көкшетау қаласы.
• Ақтөбе өңірі. Әкімшілік орталығы – Ақтөбе қаласы.
• Алмалы өңірі. Әкімшілік орталығы – Қонаев қаласы.
• Атырау өңірі. Әкімшілік орталығы – Сұлтан Бейбарыс қаласы.
• Батыс Қазақстан өңірі. Әкімшілік орталығы – Орал қаласы.
• Жамбыл өңірі. Әкімшілік орталығы – Тараз қаласы.
• Жетісу өңірі.  Әкімшілік орталығы – Талдықорған қаласы.
• Қарағанды өңірі. Әкімшілік орталығы – Қарағанды қаласы.
• Қостанай өңірі. Әкімшілік орталығы – Қостанай қаласы.
• Маңғыстау өңірі. Әкімшілік орталығы – Маңғыстау қаласы.
• Оңтүстік Қазақстан өңірі. Әкімшілік орталығы – Түркістан қаласы.
• Сарыарқа өңірі (бұрынғы Павлодар облысы). Әкімшілік орталығы – Ертіс қаласы.
• Солтүстік Қазақстан өңірі. Әкімшілік орталығы – Абылай хан қаласы.
• Сырдария өңірі (бұрынғы Қызылорда облысы). Әкімшілік орталығы – Байқоңыр қаласы (бұрынғы Қызылорда атауының орнына).
• Торғай өңірі. Әкімшілік орталығы – Арқалық қаласы.
• Ұлытау өңірі. Әкімшілік орталығы – Жезқазған қаласы.
• Шығыс Қазақстан өңірі. Әкімшілік орталығы – Өскемен қаласы.
• Астана қаласы.
• Алма-Ата қаласы.