Адвокат Айман Омарова өзінің Facebook-тегі парақшасында Ауыл шаруашылығы министрлігіндегі екі қызметкердің бір келіншекті зорлағанын айтып, бірнеше жылдан бері соттың алға жылжымай тұрғанын жазды.

Бүгін мен бірнеше жылға созылған іс туралы жазғым келеді. Қылмыстық істерді жүргізетін адвокаттар іс жүзінде тергеу мерзімдері барлық істерге қолданылмайтынын, заңдар әрдайым таңдамалы түрде жұмыс істемейтінін біледі. Әйелдерді зорлау жөніндегі құқық қорғау органдары көбінесе нақты қылмыскерлердің құқықтарын қорғау позициясын ұстанады, әсіресе олар шенеуніктер, кәсіпкерлер, ықпалды адамдар болса, - дейді ол.

Айтуынша, дәрменсіз күйдегі әйелдің топтық зорлауға түскенін тікелей көрсететін дәлелдерге қарамастан, іс бірнеше рет тоқтатылған көрінеді. Ал құқық қорғаушылар тергеу соты арқылы қылмыстық істі тоқтату туралы қаулыларға бірнеше рет шағымданған. Тіпті, тергеу судьялары да тергеушілер мен прокурорлардың әрекеттерін бірнеше рет заңсыз деп тауып, істі тоқтату туралы қаулылардың күшін жойған екен.

Жалпы, құқық қорғау органдары нақты қылмыскерлерді қорғау үшін осы іс бойынша бәрін жасайды. Ж.-ны үш ер адам зорлады, олардың екеуі – мемлекеттік қызметкерлер, Ауыл шаруашылығы министрлігінде жұмыс істейді, мүмкін қызметте табысты ілгерілеуде, сондықтан Астана қаласының прокуратурасы да «сәтті түрде» қадағалауда. Қылмыстық іс материалдарында даусыз дәлелдемелер, оның ішінде тергеумен белгіленген үш адамның топтық зорлауға қатысы бар екенін дәлелдейтін сараптамалардың қорытындылары бар, - дейді Айман Омарова.

Сөз соңында ол қазір сол істі Астана қаласы полиция департаментінің тергеушісі, полиция майоры Д. Нұралы жүргізіп жатқанын алға тартты.