Украина Қорғаныс министрі Алексей Резников Ресейдің үш рет жойқын шабуыл жасауға ғана жететін ракеталары қалғанын есептеп шығарды. Бұл туралы УНИАН хабарлады.

Зымырандардың қорын қайта жасап алу үшін Ресейге 14-16 ай шамасында уақыт керек болады. Ал ол Ресейдің әртүрлі типті ракеталарды пайдалануы жөніндегі мәліметтердің инфоргарфикасын көрсетті.

Қазір Ресей ракеталары арсеналының төрт жауы бар: Украинаның әуе шабуылына қарсы күштері, Ресейдің жосықсыз ракета әскері, санкциялар, уақыт. Біз әлемде бейбітшілік орнату үшін террорлық мемлекеттің милитаризациясын жоямыз! – деп жазды ол Twitter-де.

Оның айтуынша, Ресей осы кезге дейін 829 «Искандер» ракетасын пайдаланған. Енді оның 119-ы қалған (13%). Сол сияқты, 3М-55 Onyx-тың әлі 74 пайызы, С-300-дің 87 пайызы бар.

«Украинская правда» басылымының хабарлауынша, РФ қараша айының ортасындағы әлеуетті жағдайы бойынша үш рет жойқын күшпен атқылай алады.