×

Депутат азық-түлік қымбаттамас үшін не істеу керектігін айтты

Ресми статистика бойынша азық-түлік бағасы 20%-ға өскен, ал іс жүзінде баға 50%-ға көтерілген

 Дәурен Ерболат 22.09.2022 | 13:37
Фото: inform.kz

Сенат депутаты Андрей Лукин Қазақстанда әлеуметтік маңызы бар азық-түлік тауарлары қымбаттамас үшін не істеу керектігін айтты, деп хабарлайды Halyq Uni тілшісі.

Жалпы отырыста сенатор премьер-министр Әлихан Смайыловтың атына депутаттық сауал жолдады.

Оның айтуынша, азық-түлік өнімдерінің қымбаттауы Сауда және интеграция министрлігі және әкімдіктердің тиісті заңнамалық реттеу мен әлеуметтік маңызы бар азық-түлік тауарларының саудасына әдіснамалық әсер етуді қамтамасыз етпеуден туындап отыр.

Сауда қызметін реттеу туралы» заңдағы 9-баптың әлеуметтік маңызы бар азық-түлік тауарларына үстеме ақылардың 15%-дан асып кетуіне жол бермеу туралы талаптары декларативті сипатта. Оны іс жүзінде ешкім сақтамайды. Бюджет қаражатын тиімсіз пайдалану және ұрлау, әлеуметтік маңызы бар азық-түлік тауарларының көлемін тиісінше сақтамау, бөлу және жоспарлау фактілері, сондай-ақ әкімдіктер жұмысындағы кемшіліктер тұрақты заңбұзушылыққа айналды, - деді депутат Сенаттың жалпы отырысында.

Андрей Лукин бірде-бір уәкілетті орган осы саладағы заңнаманы ретке келтіру мәселесін қолға алмайтынын атап өтті. Осыған байланысты ол азық-түлік қауіпсіздігі саласындағы жағдайды жақсарту тетіктерін ұсынды.

Көлік шығысын субсидиялай отырып, әлеуметтік маңызы бар азық-түлік тауарларын тұрақтандыру қорларына бірыңғай жеткізу үшін ірі отандық тауар өндірушілеріне ұзақ мерзімді мемлекеттік тапсырыстар қалыптастыру қажет. Әлеуметтік маңызы бар азық-түлік тауарларының төмендетілмейтін қорын мемлекеттік материалдық резервке ұқсас белгілеу керек. Әлеуметтік маңызы бар азық-түлік тауарларының ішкі нарығын кез келген жағымсыз құбылыстардан қорғау тетіктерін әзірлеуді қолға алу керек, - деді депутат.

Сондай-ақ Сенатор әлеуметтік маңызы бар тауарларды сату процесін нарыққа кіргеннен бастап соңғы тұтынушыға дейін, оның ішінде тұрақтандыру қорларындағы сауда алаңдары мен өнімдер көлемінің қолжетімділігін бақылау тетіктерін цифрландыруды ұсынды.

Серіктес жаңалықтары

Сараптама

Қазақстан көмірден бас тартпайды

Еуропа көмірді қайтып қолдана бастады
05.10.2022 | 18:44

Президент Алматының трамвайсыз қалғанын сынға алды

Ол ешкімге кедергі келтірмесе де рельстер жойылды, - деді ол
05.10.2022 | 18:27

Антикор ҚТЖ жұмысындағы жемқорлыққа апаратын фактілерді анықтады

Соңғы 5 жылда ҚТЖ лауазымды тұлғалары мен оның ведомстволық бағынысты ұйымдарына қатысты 136 қылмыстық іс тіркелген
05.10.2022 | 18:15

Ауылды таза сумен қамтамасыз ету: Тоқаев Үкіметке тапсырма берді

Суармалы алқаптарға бөлінетін қаржы көбейеді
05.10.2022 | 18:11