Қаңтар оқиғасында зардап шеккен кәсіпкерлер мемлекеттен ақшалай көмек алған жағдайда табыс салығынан босатылады, деп хабарлайды Мемлекеттік кірістер комитеті.

2022 жылғы 11 шілдедегі № 135-VII заңмен Салық кодексіне енгізілген өзгерістер мен толықтырулар төтенше жағдай кезеңінде келтірілген мүліктік залалды өтеу кезінде салық салу тәртібін реттейді.

Салық кодексінің 241-бабы 1-тармағының жаңа 28)-тармақшасы шағын және орта кәсiпкерлiк субъектiсiнің төтенше жағдай кезеңiнде келтiрiлген мүлiктiк залалды өтеу үшiн алған ақшаны жылдық жиынтық табыстан алып тастауды көздейді. Бұл норма уақытша және 2022 жылғы 1 қаңтардан бастап 2023 жылғы 1 қаңтарға дейін қолданыста болады, - деп жазылған хабарламада.

Сонымен қатар Салық кодексінің 341-бабының 1-тармағының 17) тармақшасы төтенше жағдай кезеңінде келтірілген мүліктік залалды өтеу түріндегі Қазақстан заңнамасымен, жеке табыс салығы салынатын кірістерден, бюджеттен төленетін төлемдерден алып тастауды көздейтін жаңа абзацпен толықтырылды. Түзету 2022 жылғы 1 қаңтардан бастап қолданысқа енгізілді.

Осылайша, заңды тұлғалар мен жеке кәсіпкерлер – шағын және орта бизнес субъектілері төтенше жағдай кезінде келтірілген мүліктік залалды өтеу үшін ақша алған жағдайда жылдық жиынтық кірісті түзетуге құқылы. Егер әкімшілік құрған комиссияның шешімі болып, осы комиссияның тізіліміне кәсіпкер енсе, осындай түзетуді қолдана алады, - деп жазылған хабарламада.

Сондай-ақ корпоративті табыс салығын есептеу үшін Салық кодексінің 241-бабының 1-тармағына сәйкес жылдық жиынтық табысты түзету корпоративтік табыс салығы бойынша декларацияда (100.00-нысан) көрсетілуге жатады.

Жеке тұлғаларға төлемдер табыс ретінде танылады, бірақ оған жеке табыс салығы салынбайды. 

Салық агенті (жұмыс беруші) жеке табыс салығы және әлеуметтік салық бойынша декларацияда (200-нысан) төленген сомаларды көрсетуге міндетті.

«Салық кодексінің 404-бабы 2-тармағының 2) тармақшасына қосылған құн салығының сомасын түзетуді, сондай-ақ төтенше жағдай кезеңінде тауарлардың бүлінуі, жоғалуы кезінде де есепке жатқызуды (есепке алуды азайту) қолданбау бөлігінде толықтыру енгізілді. Бұл толықтыру 2022 жылғы 1 қаңтардан бастап қолданысқа енгізіледі», - деп жазылған хабарламала.

Сондай-ақ шағын және орта кәсіпкерлік субъектісінде төтенше жағдай салдарынан немесе төтенше жағдай кезінде зақымдану, салық тіркеліміндегі тауарлардың зақымдануы, жоғалуы фактісін растайтын құжаттардың болуы және мұндай залал туралы мәліметтердің көрсетілуін талап етеді.

Нәтижесінде шағын және орта кәсiпкерлiк субъектiсi төтенше жағдай кезiнде жергiлiктi атқарушы орган құратын комиссияның шешiмi бойынша тiзiлiмге енгiзiліп, келтiрiлген мүлiктiк залалды өтеу үшiн ақша алған жағдайда мұндай кәсіпкер осындай тауарлар үшiн бұрын есептелген қосымша құн салығы (ҚҚС) сомасына түзету енгiзедi. Бұл ретте есепке жатқызуға жататын ҚҚС бойынша түзету сомасы тауарлардың бүліну, жоғалу жағдайлары болған салық кезеңі үшін ҚҚС бойынша декларацияда көрсетіледі, - деп жазылған хабарламада.

Айта кетейік, осыған дейін қаңтар оқиғасында зардап шеккен кәсіпкерлердің 14,5 млрд теңге шығыны өтелген еді.