×

Қазақстандықтар қандай ұялы телефонды жиі сатып алады?

Смартфондар бір жылда 3%-ға қымбаттаған

 Дәурен Ерболат 25.07.2022 | 12:25
Фото: setphone.ru

Бүгінде ұялы телефондар арасында әлемдегі ең танымал бренд – Samsung, деп хабарлайды finprom.kz.

StatCounter дерегінше, биыл маусымда аталған компанияның әлемдік нарықтағы үлесі 28,24%-ға жеткен.

Екінші орында Apple (27,22%), үшінші орында Xiaomi (13,05%) тұр. Үздік бестікке Huawei мен Oppo енді.

Қазақстандағы ең танымал ұялы телефон – Samsung, нарықтағы үлесі – 35,68%. Кейінгі орындарда Apple (25,37%), Xiaomi (18,64%), Oppo (7,54%), Huawei (5,73%) тұр.

2022 жылғы бірінші тоқсанда әлемде жалпы 314,4 млн смартфон сатылған (International Data Corporation мәліметінше). Бұл былтырмен салыстырғанда 8,8%-ға аз.

Қазақстанда бір жылда ұялы телефонның бағасы 3,1%-ға өскен.

Ақтөбе облысында смартфон айтарлықтай қымбаттады, бір жылда – 21,5%.

Сонымен қатар Алматы (бір жылда плюс 6,3%) және Алматы облысында да (бір жылда плюс 5,6%) ұялы телефондар бағасы көтерілді.

Қостанай, Қызылорда, Павлодар және Батыс Қазақстан облыстарында смартфон бағасы көтерілмеген: әр өңірде бір жылда – 0,4%.

Сондай-ақ Қарағанды облысы, елорда және Шымкентте баға шамалы төмендеген: бір жылда – 3,5%, 2,9% және 2,3%.

Серіктес жаңалықтары

Сараптама