Елімізде шілденің басынан бері әлеуметтік маңызы бар азық-түлік тауарларының бағасы 0,5%-ға көтерілді, деп хабарлайды Ұлттық статистика бюросы.

Бір аптада азық-түлік тауарлары 0,2%-ға қымбаттаған, ал жыл басынан бері баға 17,8%-ға өскен.

Жылдық мәнде әлеуметтік маңызы бар азық-түлік тауарлары 17,5%-ға көтерілген.

Өткен аптада төмендегі азық-түлік өнімдері арзандады:

• Қырыққабат – 5,4%,
• Сәбіз-1,3%,
• Картоп – 0,6%.

Сондай-ақ төмендегі тауарлар қымбаттаған:

• Пияз – 2,4%,
• Күріш – 0,7%.

Қазақстан бойынша әлеуметтік маңызы бар азық-түлік тауарларының тізіміне кіретін кейбір өнімнің орташа бағасы:

• Сары май – 3 263 теңге/келі,
• Сиыр еті – 2 202 теңге/келі,
• Тауық еті – 1 144 теңге/келі,
• Рожки (таразыдағы) – 260 теңге/келі,
• Күнбағыс майы – 826 теңге/л.

Айта кетейік, ӘМАТ тізімінде 19 тауар бар.