Қайтарылған активтерді басқару компаниясына 82 млрд теңгенің мүлкі берілді, деп хабарлайды Halyq Uni тілшісі.

Активтерді қайтару шеңберінде басқарушы компанияның теңгеріміне жалпы құны 82 млрд теңге болатын 48 обьекті тапсырылды, - деп жазылған Бас прокуратурасының Активтерді қайтару жөніндегі комитеті таратқан хабарламада.

Басқарушы компания Астанадағы элиталық жылжымайтын мүлікті 473 млн теңгеге және Алматыдағы азаматтық ғимаратты 732 млн теңгеге сатқан.

Сондай-ақ Алматы қаласы және Жетісу облысындағы обьектілерді жалға беру туралы бірқатар келісім жасалды. Осылайша, нысандарды жалға беруден айына шамамен 80 млн теңге кіріс түседі деп жоспарланып отыр. Алғашқы төлемдер де жүргізілді, - деп жазылған хабарламада.

Объектілерді сату және жалға беруден түскен қаражат арнайы мемлекеттік қорға әлеуметтік-экономикалық жобаларды одан әрі қаржыландыру үшін жіберіледі.