×

Қалаларда пәтер қымбаттап жатыр

Елорда мен Талдықорғанда үй бағасы айтарлықтай көтерілген

 Дәурен Ерболат 08.06.2022 | 17:31
Фото: Halyq Uni

Қазақстан қалаларында пәтер бағасы бір жылда үштен бірге артты, деп хабарлайды Ұлттық статистика бюросы.

Биыл мамырда (өткен жылдың ұқсас кезеңімен салыстырғанда) бұрын пайдалануға берілген үйлер 27,9%, жаңа салынған үйлер 19,3% қымбаттаған.

Сондай-ақ үйді жалға беру бағасы бір жылда (2021-2022 жылғы мамыр аралығы) 22,8% өскен.

ҰСБ Баға статистикасы департаментінің директоры Қуанышбек Жақыпбекұлы Нұр-Сұлтанда жаңа үйлер бір жылда 27,2% қымбаттағанын атап өтті.

«Талдықорғанда (48,6%) бұрын салынған үйлердің бағасы айтарлықтай өссе, Алматыда тұрғын үйді жалға беру 49,9% қымбаттаған», - деді Қуанышбек Жақыпбекұлы.

Серіктес жаңалықтары

Сараптама