Биыл 3 маусымда Сауд Арабиясы астанасында өтіп жатқан GCC – Central Asia Investment Forum инвестициялық форумының нәтижелері бойынша Al-Farabi Innovation Hub негізін қалаушы Аслан Сұлтанов пен Al Rajhi International for Investment бас директоры Ахмед Әли әл-Дахил арасында стратегиялық әріптестік туралы меморандумға қол қойылды (alaufuq Holding).

Қазақстандық тараптан ҚР цифрлық даму және аэроғарыш өнеркәсібі министрлігі (ЦДИАӨМ), Қазақстан-Сауд іскерлік кеңесі және Astana Hub қолдау көрсетті. Серіктестік бастамашылары Қазақстан мен Орталық Азияның Сауд Арабиясындағы технологиялық компаниялары үшін бірлесіп бизнес-үдеткіш құруды және стартаптардың өз шешімдерін пилоттау, жергілікті бизнес-серіктестер мен венчурлік капиталды іздеу мүмкіндігіне қол жеткізуін қамтамасыз етуді көздейді.

Серіктестік жаңа капиталға еркін қол жеткізуді және жаһандық деңгейде даму мен бәсекелесу мүмкіндігін қамтамасыз ете отырып, Корольдіктегі Орталық Азиядан келген стартаптардың мүмкіндіктерін едәуір кеңейтуге көмектеседі. Өз тарапынан Сауд Арабиясы үшін бұл одақ Орталық Азияның жаңа технологиялық компанияларымен танысуға, кәсіпкерлеріміздің үздік тәжірибесін алуға және таңдалған жобаларды Корольдікке біріктіруге көмектесуге мүмкіндік береді.

Al-Farabi Innovation Hub негізін қалаушы – бас директоры Аслан Сұлтанов осы ынтымақтастықтың маңыздылығын атап өтті:

Біз Қазақстан мен Орталық Азиядан келген стартаптар үшін жақсы жағдайлар жасауға дағдыланғанбыз және MENA нарығында барынша даму мүмкіндіктерін ұсынуға тырысамыз. Біздің серіктестігіміз бизнес-үдеткіштен әлдеқайда көп, біз Цифрлық кәсіпкерлерді MENA аймағында бизнес жүргізу және бейтаныс елде бейімделуге қолдау көрсету туралы терең біліммен қамтамасыз етуге тырысамыз.

АНЫҚТАМА:

Al-Farabi Innovation Hub – инновациялық хаб, оның тұжырымдамасы Қазақстан мен Орталық Азия елдерінен Сауд Арабиясына талантты кәсіпкерлер мен инновациялық стартаптарды тарту және олардың осы өңірдегі көшуін, немесе бизнесті масштабтауды қолдау. Хаб White hill Capital Ltd басқарушы компаниясының құрамына кіреді – Tumar Venture Fund венчурлық қорының басқарушы компаниясы.

Al Rajhi International for Investment Сауд Арабиясындағы жетекші бизнес-конгломераттардың бірі – Al Rajhi Group деп аталатын шейх Сүлейман Абду лазиз әл-Раджаның холдингіне кіреді.