Астанада мұнай өнімінің заңсыз айналымы анықталды, деп хабарлады Мемлекеттік кірістер комитеті.

Астана қаласы бойынша мемлекеттік кірістер департаменті рейдтік іс-шаралар барысында жалпы сомасы 5 млн теңге (38 мың литр) болатын бензин мен дизель отынының заңсыз айналымын анықтады. Мұнай өніміне ілеспе жүкқұжаттар болмаған, - деп жазылған хабарламада.

Салық төлеушілерге қатысты Әкімшілік құқықбұзушылық туралы кодекстің 283-бабы 1-бөлігі бойынша әкімшілік материалдар толтырылып, процессуалдық шешім қабылдау үшін сотқа жолданды.

Еске сала кетсек, биыл 1 сәуірден бастап мұнай өнімдерінің жекелеген түрлеріне тауарларға ілеспе жүкқұжаттары міндетті түрде рәсімделеді.