Шығыс Қазақстан облысындағы кейбір жанармай құю станциясында бензин тек талон арқылы ғана беріле бастады.

Мұндай шектеулер Серебрянск, Белоусовка станцияларында, сондай-ақ Глубокий ауданы, Риддер мен Самар аудандарында да байқалады.

Жанармай әсіресе шағын станцияларда тапшы болып тұр. Облыс орталығы – Өскеменде әзірге жағдай тұрақты.

Шілде айында Қазақстандағы мұнай өңдеу зауыттары жөндеу жұмыстарын жүргізу үшін тоқтаған болатын. Содан бері елде АИ-95 маркалы бензиннің тапшылығы сезіле бастады.

Еске сала кетсек, бұған дейін елімізде АИ-92, АИ-95 маркалы бензинінің жарты айлық қоры қалғанын жазған болатынбыз.