Премьер-министрдің төрағалығымен мемлекеттік комиссияның отырысы өтті
Үкіметте премьер-министр Әлихан Смайыловтың төрағалығымен Экономиканы жаңғырту жөніндегі мемлекеттік комиссияның отырысы өтті, деп хабарлады Halyq Uni тілшісі.
Жиынға қатысушылар өңдеу өнеркәсібіндегі шағын және орта кәсіпкерлік жобаларын қаржыландыру, республиканың көлік инфрақұрылымын дамыту, сондай-ақ Жекешелендірудің 2021-2025 жылдарға арналған кешенді жоспарын іске асыру мәселелерін қарады.
Сонымен қатар телекоммуникация және энергетика салаларын одан әрі дамыту жөніндегі шаралар талқыланды.