×

Қырғызстан барлық сыртқы қарызын қайтармаудың амалына көшті

Бүгінде қырғыз елінің сыртқы қарызы – 4,2 миллиард доллар

 Еркеғали Болатұлы 08.01.2023 | 18:00
фото: ашық дереккөз

Садыр Жапаров Қырғызстанға қарыз берген елдер мен қаржы институттарына ұсыныс жасады.

Ол бәрінен өз елінің қарызын кешіруді сұрап отыр. Сөйткен жағдайда, қарыздың орнына Бішкек ГЭС салып, әлемдік экологияны жақсартуға үлес қосу міндетін мойнына алады.

Біз жасыл экономиканы дамыту және әлемдегі экологиялық жағдайды жақсартуға бірлескен үлес қосу бастамасын көтеріп жатырмыз. Қазір Қырғызстанда 50 шағын және орта ГЭС құрылысы жүріп жатыр. Бірақ бұл да жеткіліксіз. Бізде дайын инвестициялық жобалар бар, - деді Қырғыз Республикасының президенті Садыр Жапаров.

Көрші ел тәуелсіздік жылдарында жаңа су электр станциясын салған жоқ. Сондай-ақ қыста электр энергиясын сатып алуға мәжбүр. Қазір өзінің гидроэнергетикалық әлеуетінің тек 10%-ын ғана пайдаланып отыр.

Еске сала кетсек, бүгінде қырғыз елінің сыртқы қарызы – 4,2 миллиард доллар.

Серіктес жаңалықтары

Сараптама