Ол барлық мемлекеттік органның қызметін үйлестіруге мүмкіндік береді
Бас прокуратурада Қазақстаннан заңсыз шығарылған қаражатты қайтарумен айналысатын қызмет құрылды деп хабарлады ведомствоның баспасөз қызметі.
Мемлекет басшысының елден заңсыз шығарылған қаражатты қайтару, сондай-ақ экономикалық ресурстардың монополиялық (олигополиялық) шоғырлануын анықтау жөніндегі тапсырмаларын іске асыру шеңберінде бұл бағыттағы барлық мемлекеттік органның қызметін үйлестіру үшін Қазақстан президентінің 2022 жылғы 3 қазандағы №1029 Жарлығымен Бас прокуратурада халықаралық-құқықтық ынтымақтастық қызметі құрылды, - деп жазылған хабарламада.
Бұл өзгерістер елден заңсыз шығарылған активтерді қайтаруға қарсы іс-қимыл жөніндегі жұмысты ұйымдастыру тәсілдерін қайта қарауға мүмкіндік береді.
«Құрылған қызметтің негізгі міндетіне экономикалық ресурстарды заңсыз шоғырландыруға және тауар нарығын монополиясыздандыруға, сондай-ақ шетелден заңсыз активтерді репатриациялауға ықпал еткен жағдайларды анықтау бойынша жүйелі шараларды әзірлеу және іске асыру кіреді», - деп жазылған хабарламада.
Айта кетейік, осыған дейін Премьер-министр Әлихан Смайылов шетелге 500 млрд теңге шетелге шығарылғанын айтқан еді.