Былтыр Қаржы нарығын реттеу және дамыту агенттігі екінші деңгейлі банктерге, банк операцияларының жекелеген түрлерін жүзеге асыратын ұйымдарға, сақтандыру (қайта сақтандыру) ұйымдарына, кредиттік бюроға, коллекторлық агенттіктер мен микроқаржылық қызметті жүзеге асыратын ұйымдарға қатысты 62,7 млн теңге сомасына 97 ұсынымдық қадағалап ден қою шарасы, 77 жазбаша ұйғарым, 2 жазбаша ескерту және 154 әкімшілік жаза қолданған.

Банктерге қатысты әкімшілік жазаның жалпы сомасы 10,1 млн теңгені, сақтандыру (қайта сақтандыру) ұйымдарына қатысты шығарылған әкімшілік жазаның жалпы сомасы 1,2 млн теңгені, микроқаржылық қызметті жүзеге асыратын ұйымдарға қатысты шығарылған әкімшілік жазаның жалпы сомасы 9,2 млн теңгені құраған.

Ал коллекторлық агенттіктерге қатысты әкімшілік жазаның жалпы сомасы - 42,2 млн теңге.