Қалың қар жаууына байланысты Полиция департаментінің патрульдік көліктерінің ілесуімен, көшелерді тазалайтын көптеген арнайы техника жұмылдырылды.

Астанада өткен тәулікте 114 жол-көлік оқиғасы тіркеліп, бір адам зардап шекті.

Жүргізушілерден өте мұқият болуды, белгіленген жылдамдық режимін қатаң сақтауды, күрт тежеуге жүгінбеуді, қашықтық пен бүйірлік аралықты сақтауды, патрульдік полиция қызметкерлерінің талаптарын орындауды, автокөлікті жолдың жүру бөлігінде қалдырмауды және тазартатын техникаға кедергі жасамауды сұраймыз, – дейді Нұр-Сұлтан қаласы ПД әкімшілік полиция басқармасының бастығы Елжан Чупеков.  

Қар тазалауға кедергі келтіріп, көше бойына көлік қойған жүргізушілерге әкімшілік шаралар қолданылады. Автокөліктер эвакуацияланады.