Ресей азаматтарының Эстонияға кіруіне тыйым салу 19 қыркүйекке қараған түні күшіне енеді, деп хабарлайды Halyq Uni тілшісі РиаНовости порталына сілтеме жасап.

Эстония сыртқы істер министрі Урмас Рейнсалу Таллинде өткен үкіметтің баспасөз мәслихатында Литва, Латвия және Польша да осындай шешімді қабылдағанын айтты.

Бұл Эстонияда, сондай-ақ Еуроодақтың басқа елдерінде берілген визалары бар ресейліктерге қатысты. Осы сәттен бастап олардың елге кіруіне Литва, Латвия және Польша да тыйым салады, - деді министр.

Рейнсалу Ресей азаматтарын Эстонияға Шенген визасымен келмеуге шақырып, оларға үндеу тастады.

Айта кетсек, 1 қыркүйекте Прагада өткен бейресми кездесуде Еуроодақ сыртқы істер министрлері Еуроодақ пен Ресей арасындағы визаларды жеңілдету туралы келісімді тоқтату туралы шешім қабылдады, соның салдарынан виза алу мерзімі ұзарып, қиын әрі қымбат болады. Сондай-ақ олар Эстониямен және Ресеймен шектесетін басқа елдер ресейліктердің кіруіне ұлттық деңгейде шектеу қоя алады деген келісімге келді.

Бұған дейін Латвия Сыртқы істер министрлігі Вильнюс, Рига және Таллин Ресей мен Беларусь шекарасы арқылы ресейліктердің кіруіне шектеу қою туралы келісімге келгенін хабарлаған. Ведомствода атап өткендей, ерекшеліктер жүк көлігі жүргізушілеріне, дипломаттарға, сондай-ақ гуманитарлық және отбасылық себептермен шекарадан өтетін азаматтарға қатысты болады.