Астананың тәртіп сақшылары Қытай азаматына тиесілі тіркелмеген атыс қаруын тәркіледі.

«Қару» жедел-алдын алу іс-шарасын жүргізу барысында вахталық қалашықтың 32 жастағы қызметкерінен тіркелмеген ойық мылтық пен оның 12 патроны тәркіленді. Ер адамның айтуынша, бұл қаруды оған мылтықты ұзақ уақыт сақтаған 56 жастағы Қытай азаматы тапсырған. Шетелдіктің тұрғылықты жерін тексеру кезінде оқ ататын гильзалар мен тағы 22 патрон табылды, – дейді Нұр-Сұлтан қаласының полиция департаменті.

Сараптама қорытындысына сәйкес, алынған мылтық зауыттық тәсілмен жасалған және атуға жарамды «ТОЗ-8м» маркалы аңшылық-спорттық винтовка болып шықты. 

Қаруды заңсыз иемденгені, бергені, өткізгені, сақтағаны және тасымалдағаны үшін екі жылға дейін бас бостандығынан айыру немесе екі мың айлық есептік көрсеткіш мөлшерінде айыппұл салу көзделген.

Аталған факт бойынша қару мен оқ-дәрілерді заңсыз сақтағаны үшін қылмыстық кодекстің 287-бабы бойынша сотқа дейінгі тергеу жүріп жатыр.