Солтүстік Қазақстан облысы бойынша Сыбайлас жемқорлыққа қарсы қызмет Ішкі істер министрлігі Қылмыстық-атқару жүйесі «Еңбек» ШЖҚ «Еңбек-Қызылжар» РМК филиалында сыбайлас жемқорлықтың жолын кесті.

23 тамызда мемлекеттік сатып алу туралы шарт бойынша сотталғандар үшін азық-түлікті қабылдау-тапсыру актісіне кедергісіз қол қойғаны үшін осы мекеменің басшысы жеке кәсіпкерден пара алған кезде ұсталды.

Күдікті Петропавл қаласының уақытша ұстау изоляторына қамалды.

Кінәнің толық танылуын және сотқа дейінгі жеделдетілген тергеп-тексеруді жүргізу туралы келіп түскен өтінішхатты ескере отырып, тергеу соты оған қатысты үйқамақ түріндегі бұлтартпау шарасын таңдады.

Кінәлікті сот анықтайды.

Өзге ақпарат тергеу мүддесінде жария етуге жатпайды.