Ел құрамасының киімі Бейжің Олимпиадасындағы ең әдемі формалар қатарынан табылды.

Халықаралық Олимпиада комитеті 2022 жылғы ойындардағы ұлттық командалардың ең стильді формаларын назарға ұсынды. Олардың қатарында қазақстандық атлеттердің эпикировкасы да бар.

Қазақстан сән бойынша сынақ тапсырды». ХОК ұсынған тақырып осындай. «Ақ және көк түстер мұз бен қарды белгілесе, қара түс сәттілік түсі саналады, - деді Халықаралық Олимпиада комитеті. 

Сондай-ақ, ХОК Forbes журналының пікірін де еске салды. Олар отандық спортшылардың эпикировкасын сәнді киімдер қатарына қосты. Америкалық басылым еліміздің олимпиадалық формасын ең әсем эпикировкалар қатарына жиі енгізеді. Былтырғы жазғы ойындарда да Forbes Қазақстан командасының формасын үздіктер қатарына қосты. 

Халықаралық Олимпиада комитеті елімізбен қатар, АҚШ, Канада, Ресей, Қытай, Швеция мен Германия олимпиадашыларының образын да ерекше атап өтті.