Қостанайда банкрот жөніндегі басқарушы 50 млн теңге көлемінде пара алу үстінде ұсталды
Күдікті 2 ай мерзімге қамауға алынды
көрнекі фото: 5region.kz
Қаржылық мониторинг агенттігінің қызметкерлері Қостанай облысында банкрот жөніндегі басқарушының бас директордан және коммерциялық ұйымның құрылтайшысынан дебиторлар тізіліміне енгізу үшін 100 млн теңге мөлшерінде ақша бопсалағанын анықтады.
Күдікті ЖШС-ның бас директоры мен құрылтайшысынан алдын ала келісілген соманың 50 млн теңгесін алу кезінде қолға түскен.
Қостанай қаласының тергеу сотының шешімімен күдікті 2 ай мерзімге қамауға алынды.
Қазір аталған фактіге қатысты тергеп-тексеру жүріп жатыр.
