Атырауда педагогтер тергеу изоляторына жіберілді
Мұғалімдерге сыбайлас жемқорлық қылмысының салдары қандай болатыны түсіндірілді
Фото: Антикор
Атырауда басқарма және білім бөлімінің қызметкерлері тергеу изоляторына барды, деп хабарлайды «Мой город».
Педагогтер қамауда отырғандардың ұстау шарттарымен танысты. Экскурсияны Антикор қызметкерлері ұйымдастырды.
Іс-шараның мақсаты – сыбайлас жемқорлықтың бар ауыртпалығы мен салдарын түсіндіру, сондай-ақ жемқорлыққа деген төзбеушілік мәдениетін қалыптастыру, - деп жазылған хабарламада.
Педагогтерді тергеу изоляторына жіберуге білім беру жүйесінде анықталған сыбайлас жемқорлық тәуекелдері себеп болған. Салада кадр мәселелерін шешу, сертификаттау, тестілеу және лауазымға тағайындау барысында жемқорлық қаупі бар.
