Адамдардың жоғалу дерегі республикалық маңызы бар қалаларда тіркеледі. Бұл туралы ІІМ Ұйымдасқан қылмысқа қарсы күрес департаменті басшысының орынбасары Әлібек Оразалы айтты, деп хабарлайды Halyq Unі тілшісі.

Оның айтуынша, биыл 6 айда адам саудасы бойынша 57 қылмыстық іс тіркелген.

Оның 32-сі – жезөкшелік, притондарды ұйымдастыру және ұстау, жеңгетайлық қылмысы. Бүгінде барлық іс өндірісте. Жыл сайын адам саудасы бойынша 100-ге жуық қылмыс тіркеледі. Бұл қылмыс Нұр-Сұлтан, Алматы және Шымкент қалаларында жиі кездеседі. Жезөкшелікке салынған қыздардың орташа жасы – 18-25 жас аралығында. Сондай-ақ аталған республикалық маңызы бар қалаларда адамдар жиі жоғалады, - деді басшының орынбасары ОКҚ-де өткен дөңгелек үстелде.