«Оймаша» теңіз жаяу әскері бригадасының полигонында қарқынды жауынгерлік дайындық жалғасып жатыр. Бұл туралы Ақтау гарнизоны баспасөз қызметінің жетекшісі Нұрбол Шалабаев айтты.

Көктемгі шақырылымның жеке құрамы заңсыз қарулы жасақтардың әрекетіне қарсы тойтарыс береді. Содан кейін олар шабуылға шығып, «жаудың» артынан қуады.

Баспасөз хатшысының айтуынша, оқу-жаттығудың мақсаты – шабуыл кезінде жасақтардың жауынгерлік әрекеттерінің үйлесімділігін тексеру, жасақ командирлеріне жау қорғанысының түбіндегі ұрыста бөлімшенің атыс пен қозғалысын басқаруға машықтандыру.

Бөлімдер бойынша жаттығулардың тақырыптары әртүрлі болуы мүмкін. Мысалы, олардың бірі қорғаныстағы әрекеттерді пысықтаса, екіншісі - шабуылда, үшіншісі - арнайы тапсырмаларды орындайды. Бұл ретте далалық оқу-жаттығулардың кем дегенде 30 пайызы түнгі уақытта, бірыңғай нормативтер де, бөлімшелер құрамында да әзірленетін болады, - деп түсіндірді бригада командирінің жауынгерлік және дене шынықтыру дайындығы жөніндегі орынбасары майор Сапаралы Қазақбаев.

Сонымен бірге жасақтардың жауынгерлік атыстары екі апта бойы өткізілетіні белгілі болды. Дайындықтың келесі кезеңі взводтарды жауынгерлік үйлестіру болады деп жоспарланып отыр.