×

Биыл 3 мыңнан аса мұғалімнің жұмысқа қалай қабылданғаны тексеріледі

Тексеру жұмыстары 10 күнге созылуы мүмкін

 Динара Амантай 05.07.2022 | 13:56
abai.kz

Бұл туралы Оқу-ағарту министрі Асхат Аймағамбетов министрліктің аппарат жиналысында мәлімдеді.

Оның айтуынша, мемлекеттік білім беру ұйымдарына мұғалімдерді жұмысқа қабылдау тәртібі 2021 жылдың 19 қарашасында бекітіліп, сол уақыттан бастап күшіне енді. Бұл ретте әр мектептің, білім басқармасының, білім бөлімінің бастығы осы тәртіпті білуі тиіс.

Министрдің мәліметінше, жаңа тәртіп бекітілгеннен кейін 3 100 адам жұмысқа қабылданған.

Осы адамдардың жұмысқа қабылдану тәртібін біздің комитет тексеруі керек, қараймыз. 3 100 адам деген көп емес. Конкурс өткізілді ме? Конкурс нәтижесі ашық қаралып, дұрыс шешім қабылданды ма? Оны тез он күннің ішінде қарап шығуға болады. Үлкен жұмыс емес. Қарағаннан кейін әрбір облыс бойынша ақпарат беріп, қажет болса ауытқулар орын алса, онда тиісті шара қабылдауға мүмкіндік болады, – деді Асхат Аймағамбетов.

Бұған қоса ол директорлардың бос жұмыс орындарын жасырын ұстап қалатынын сынға алды. Мектеп басшылары заң бекіткендей, тиісті органдарға, еңбекпен қамту органдарына бос лауазымдар туралы ақпарат бермейтінін атап өтті.

«Ешкімге ашық айтпайсыздар. Қыркүйек айы өткеннен кейін, біраз уақыттан соң «адам келмеді, мұғалім таппадық» деп, сол бар сағаттарды іштегі жұмыс істеп жүрген мұғалімдерге бөліп бересіздер. Бұл – заңсыздық. Мұндайға заңмен көзделген жауапкершілік, оның ішінде әкімшілік те жауапкершілік бар. Ол бос сағатты бөлген кезде де тәуекел көп және объективті жұмыс жүрмейді», – деді министр.

Асхат Аймағамбетов мектептерді білімді, білікті мамандармен қамтамасыз етудің маңыздылығын атап өтіп, педагогтерді жұмысқа ашық әрі әділ конкурс арқылы жұмысқа қабылдау қажеттігіне назар аударды.

Серіктес жаңалықтары

Сараптама

Назарбаев бейнеленген 20 мыңдық банкнот айналымда жүре бере ме?

Ұлттық банк оны айналымға былтыр 1 желтоқсанда енгізген болатын
30.09.2022 | 17:22

Жыл сайын тұрмыстық зорлық-зомбылық бойынша 100 мыңнан аса шағым түседі – ІІМ

Әкімшілік қамауға алудың ең аз мерзімі 5 тәуліктен бастап белгіленетін болды
30.09.2022 | 17:12

Ресей депутаты Қазақстанға ескерту жасады

Ол  қазақ билігіне «Z» және «V» белгілері үшін отпен ойнамау керектігін ескертті
30.09.2022 | 17:07

Астанада балаға қол жұмсаған тәрбиеші айыппұлмен құтылып кетті

Сот тәрбиешінің аяғы ауыр екенін ескеріп, шешім шығарды
30.09.2022 | 16:50