Журналист-блогер Махамбет Әбжан кәсіпкерден 50 миллион теңге бопсалады деген күдікпен қамауға алынды.

Сыбайлас жемқорлыққа қарсы қызмет БАҚ-та нұқсан келтіретін мәліметтер тарату қаупімен кәсіпкерден аса ірі көлемде ақша қаражатын бопсалаған азамат Махамбет Әбжанның қылмыстық әрекетінің жолын кесті, — делінген хабарламада.

Агенттік 3 шілдеде жүргізген арнайы операцияның нәтижесінде журналисттің 50 миллион теңге алғаннан кейін ұсталып, Нұр-Cұлтан қаласының уақытша ұстау орталығына қамауға алынғанын мәлім етті. Қазіргі кезде Махамбет Әбжанның басқа да ұқсас қылмыстарға қатыстылығы туралы ақпарат тексеріліп жатыр.