Жамбыл облысында өндіріс орынында екі жұмысшы қаза тапты. Олар «Қаратау кен өндіру» комбинатындағы фосфор ұнтақтайтын қондырғыны жөндеп жатқанда құрылғы іске қосылып кеткен.

Нақты айтқанда, оқиға кеше кешке Мәжілістің экс-спикері Нұрлан Нығматулиннің ұлдары бақылайтын «Қазфосфат» минералды тыңайтқыштар өндіру зауытының Сарысу ауданындағы бөлімшесінде болған. 1987 және 1994 жылы туған дәнекерлеуші және слесарь оқиға орнында бірден көз жұмған. Олардан бөлек, 3 адам түрлі дене жарақатын алған. Әзірге оқыс оқиғаға қатысты одан басқа дерек жоқ.

Қазір аталған іске қатысты қылмыстық іс қозғалып, тергеу жұмыстары басталған.