×

Депутат жұлынған қызғалдаққа салынатын қомақты айыппұлды алып тастауды ұсынды

Бұл гүлдер Қызыл кітапқа енгізілген

 Дәурен Ерболат 29.06.2022 | 15:26
Фото: vatikam.com

Мәжіліс депутаты Мәди Елубаев қызғалдақ пен лотос гүлдерін жұлғаны үшін салынатын қомақты айыппұлды алып тастауды ұсынды, деп хабарлайды Halyq Uni тілшісі.

Ол адамдар өсімдіктердің сирек кездесетін түрін білмейтінін, салынған айыппұлды төлей алмайтынын атап өтті.

Қылмыстық кодекстің 335, 336-баптары бойынша жаза қатал. Бүгінде азаматтарымыз жабайы қызғалдақтар мен лотостарды жұлғаны үшін миллиондаған айыппұл төлейді. Көптеген гүлдің Қызыл кітапқа енгізілгенін де білмейді, - деді депутат.

Оның айтуынша, елімізде жабайы қызғалдақты жұлған адам ұсталып, оған 8 млн теңге айыппұл салынған.

Ол айыппұлды төлеуі үшін кредит алған. Осындай адамдар үшін жазаны жеңілдету қарастырыла ма? Тіпті, жабайы қызғалдақ пен лотосты Қызыл кітапқа енгізілген өсімдіктер тізімінен алып тастау керек шығар, - деді Мәди Елубаев.

Экология, геология және табиғи ресурстар министрі Серікқали Брекешев Конституцияның 38-бабына сәйкес Қазақстанның барлық азаматы табиғатты сақтауға міндетті екенін айтты.

«Санкция тек құқықбұзушыларға қолданылады. Сіздің ұсынысыңызды жұмыс тобы аясында қарастыруға дайынбыз», - деді министр.

Серіктес жаңалықтары

Сараптама

Украинa армиясының қазіргі жоспары белгілі болды

Украина қарулы күштері солтүстік-шығыстағы Харьков облысын түгелге жуық азат етті
06.10.2022 | 06:29

«Әурет жерін ұстаған»: Ақтауда ер адам 8 жастағы қызды азғындамақ болған (ВИДЕО)

Қыз бен оның туысы мектептен келе жатқан. Ал ер адам оларды аңдып, үйдің жанында күткен
06.10.2022 | 03:02

Жамбыл облысында 5 күн бұрын жоғалған әйел жазық даладан табылды

Жоғалған әйелді іздеуге Сарысу аудандық полиция бөлімінің барлық жеке құрамы жұмылдырылды
05.10.2022 | 23:41

Ресей келесі кезекте Қазақстанды көздесе, бізге кім көмектеседі?

Ресей президенті Владимир Путин бүгін Украинаның ішінара басып алынған төрт аймағын Ресей құрамына қосу туралы конституциялық заңға қол қою арқылы аннекцияның формалдық процесін аяқтады. 
05.10.2022 | 22:24