×

Үздік мұғалімдерді тарту бағдарламасына 800-ден астам өтініш түскен

Құжаттар 21 шілдеге дейін қабылданады

 Динара Амантай 29.06.2022 | 11:11
Фото: qarmaqshy-tany.kz

Елімізде кадр тапшылығы бар өңірлерге үздік мұғалімдерді тартуға арналған арнайы бағдарламаға қатысу үшін құжат қабылдау жүріп жатыр. Алғашқы аптада 800-ден астам мұғалім өтініш берді. Бұл туралы Оқу-ағарту министрлігінің баспасөз қызметі хабарлады.

Мемлекет басшысының тапсырмасы бойынша Оқу-ағарту министрлігі мұғалімдер тапшылығы немесе білім сапасы нашар өңірлерге үздік мұғалімдерді тарту үшін арнайы бағдарлама әзірлеген болатын. Мұндай мәселе Түркістан, Атырау, Маңғыстау және Алматы облыстарында байқалады. Бұл өңірлерде математика, физика, химия, орыс тілі мен әдебиеті, шет тілі мұғалімдері тапшы.

Үздік педагогтерді тартуға арналған арнайы бағдарламада мұғалімдерді қолдауға бағытталған шаралар кешені бар. Атап айтқанда, лауазымдық жалақының 250% мөлшерінде ынталандыру төлемдері, оның ішінде жалақыны көтеру, тұрғын үйді жалдау ақысын және коммуналдық төлемдер шығын өтеу қарастырылған.

«Арнайы бағдарламаға қатысу үшін құжаттар 2022 жылғы 21 шілдеге дейін қабылданады. Алғашқы аптада педагогтерден 800-ден астам өтініш түсті. Қажетті құжаттар тізімі жергілікті атқарушы органдардың және НЗМ ақпараттық ресурстарында орналастырылған. Жалақыға қосылған үстемеақыға жалдамалы тұрғын үй мен коммуналдық төлемдерді өтеу кіреді. Сондай-ақ арнайы бағдарлама бойынша төрт облыстың біріне қоныс аударған педагогтің балаларына балабақша мен орта мектептерден орын беріледі. Сондай-ақ конкурстан өткен мұғалімдермен 5 жылға еңбек шарты жасалады», – деп атап өтті Мектепке дейінгі және орта білім комитетінің төрағасы Гүлмира Кәрімова.

Ведомство өкілінің мәліметінше, конкурс екі кезеңнен тұрады: компьютерлік тестілеу және эссе жазу, сонымен қатар әңгімелесу. Тестілеу мен эссе жазу үміткердің таңдауы бойынша компьютер форматында қазақ, орыс немесе ағылшын тілдерінде өтеді. Ол еліміздің 17 аймағындағы НЗМ базасында жүзеге асырылады. Негізгі пән бойынша тест 25 тапсырмадан тұрады, ал эссе көлемі 350 сөз.

Серіктес жаңалықтары

Сараптама

«Қазақстанда 9 балға дейін жететін жер сілкінісі болуы мүмкін»: сейсмолог қауіпті аймақтарды атады

Шығыс Қазақстан облысынан Қызылорда облысына дейін сейсмикалық қауіпті аймақтар бар, ол жерде дүмпулер 7-9 балға дейін жетуі мүмкін.
07.02.2023 | 23:55

Қазақстандық құтқарушылар Түркияның Ибрахимили ауданындағы үйінді орнынан видео жариялады

Жедел ақпарат бойынша құтқарушылар үйінді астынан қайтыс болған адамның денесін шығарды
07.02.2023 | 22:25

Түркиядағы жер сілкінісі: 3 қазақстандық із-түзсіз жоғалып кетті

Қазақстандықтар зілзала болардан бір күн бұрын контент түсіру үшін Хатай қаласына барған
07.02.2023 | 21:35

Қостанай облысында жол апатынан егіз балалар мен анасы қаза тапты

Жол апаты салдарынан 3 адам – 9 жасар егіз балалар және олардың 33  жастағы анасы қаза тапты.
07.02.2023 | 20:45