Ақмола облысында жел үш мектеп пен 40-қа жуық тұрғын үйдің шатырын ұшырып әкетті
Қаза болғандар мен зардап шеккендер жоқ
![](https://halyq-uni.kz/cache/imagine/1200/uploads/news/2022/06/26/62b7fcad10d9a447857992.jpg)
Ақмола облысында қатты жел үш мектеп пен 40-қа жуық тұрғын үйдің шатырын ұшырды. Сонымен бірге бірқатар елді-мекен жарықсыз қалды.
25 маусымда Біржан сал және Бұланды аудандары аумағында 30 м/с жылдамдықпен соққан қатты желден 3 мектеп пен 38 жеке тұрғын үйдің шатыры ұшты. Көптеген ғимарат бүлінген. Қаза болғандар мен зардап шеккендер жоқ, - деді Ақмола облыстық Төтенше жағдайлар департаментінің баспасөз қызметі.
Сондай-ақ дауылдың салдарынан электр бағаналары құлап, бірқатар елді мекен жарықсыз қалған. Апаттан келген шығын көлемін жергілікті атқарушы органдар анықтап жатыр.