×

Әлемнің бірінші ракеткасы Astana Open турниріне қатысады

Даниил Медведев – 2020 жылғы ATP қорытынды жарысының және 2021 жылғы АҚШ ашық чемпионатының жеңімпазы

 Қанат Атаманов 25.06.2022 | 06:30
Фото: ашық дереккөздерден

Биылғы дода 18-25 қыркүйек аралығында елордада өтеді. Әлемнің бірінші ракеткасы, ресейлік Даниил Медведев Astana Open ATP 250 турниріне қатысатынын растады. Даниил Медведев – 2020 жылғы ATP қорытынды жарысының және 2021 жылғы АҚШ ашық чемпионатының жеңімпазы. Сондай-ақ, ол үш рет «Үлкен дулыға» турнирлерінің финалына дейін жеткен.

Даниил Медведевтің биыл үшінші рет өткелі отырған Astana Open додасына келетініне қуаныштымыз. Қазақстанда Рафаэль Надаль, Новак Джокович, Жо-Вильфрид Тсонга сынды әлемнің үздік теннисшілерінің өнер көрсетуі игі дәстүрге айналып келеді. Даниил өзінің спорттағы жолын біздің елімізде бастаған. Қазақстан теннис федерациясының президенті Болат Өтемұратовтың ойыншымен қарым-қатынасы жақсы, бұл оны осы жарысқа шақыруға мүмкіндік берді. Енді әлемнің бірінші ракеткасы елордадағы Ұлттық теннис орталығында өнер көрсетер күн де жақын, – деді Қазақстан теннис федерациясының вице-президенті Юрий Польский.

Ресейлік теннисші 2010 жылы 18 жасқа дейінгілер арасында Өскеменде өткен ITF Juniors G3 турниріне қатысқан болатын. Ал 2016 жылы әлемнің 171-ракеткасы ретінде ATP Challenger сериясына енетін ҚР Президенті кубогына келген. Онда ол ширек финалға дейін жеткен еді.

«Мен Astana Open турниріне қатысатыныма қуаныштымын. Мұнда маған дейін де атақты ойыншылар келген екен. Доданы асыға күтемін», – деді Даниил Медведев.

 

Серіктес жаңалықтары

Сараптама

Ресей пропагандистері Гаага трибуналынан сақтана бастады

Маргарита Симоньян мұндай жағдайда соғысқа қатысы бар адамдардың бәрі сотталатынын айтты
01.12.2022 | 16:26

Манту орнына БЦЖ: министр екпеден зардап шеккен балалардың ата-аналарымен кездесті

Балалар қысқы демалыста «Бурабай» санаторийінде сауықтырудан өтеді
01.12.2022 | 16:16

«Мақсатымыз – эмоционалдық қолдау»: Кез келген адам балалар үйінде тәлімгер бола алады

Қазақстанда 4 мыңнан астам бала жетімдер үйінде тәрбиеленіп жатыр
01.12.2022 | 16:06